Lýsing

Skemmtileg, fljótprjónuð uppskrift. Peysan er með pífu á stuttum ermunum. Peysan er prjónuð ofan frá og niður, með klauf að aftan, hún er prjónuð í hring fyrir utan umferðirnar á meðan klaufin er gerð, þá er prjónað fram og til baka, slétt á réttu brugðið á röngu. Stuttar umferðir eru gerðar við hálmál að aftan sem er þó hægt að sleppa.

Stærðir:
2, 3-4, 5-6, 7-8, 9-10 ára

Mál:
Sídd, mælt frá hálsmáli að aftan og niður: 34, 36, 38, 40, 42 sm.
Yfirvídd, á milli handakrika að framan: 30, 32, 34, 38, 40 sm.
Ermalengd, frá hálsmáli: 20, 22, 24, 26, 28 sm.
Málin eru ekki heilög, aðeins til viðmiðunar, því börnin er misjöfn að stærð. Gott ef hægt er að mæla væntanlega eiganda.Garn:

Garn:
Pure silk frá Knitting for Olive og Trio frá Isager, 1 þráður af hvoru.
Þetta er blanda af silki, hör, bómull og bambus, dásamleg blanda fyrir sumarflík. Eða bara það garn að eigin vali sem hentar prjónfestunni.

Garnmagn:
150, 200, 200, 250, 300 grömm
(100+100, 100+100, 150+150, 150+150, 200+200 grömm uppgefið garn)
Hafa má í huga að hrein bómull er þyngri en til dæmis ull og silki og því þarf aðeins meira af því.

Prjónfesta:
22 lykkjur á prjóna nr. 4,0 gera 10 sm breidd. Ég mæli með að gera prjónfestu prufu.

Það sem þarf:
Sokka-og hringprjónar nr. 3,5 og 4,0 1 tala
Nál og skæri til frágangs.